زەویلەرزەیگ وە تونی ٥.١ لە دەریای مەرمەڕە رویدا
2023-12-04T11:31:07+00:00
شەفەق نیوز/ سەرۆکایەتی وەڕێوەبردن کارەسات و دۆخەیل لەناوکاو تورکیا (ئافاد)، ئمڕوو دووشەممە، راگەیان ساعەت ١٠:٤٢ خولەک زەویلەرزەیگ وە تونی ٥.١ پلە وەبان پەیمانەی ریختەر لە کەنداو گەملیک لە دەریای مەرمەڕە رویدایە.
وەپای ئاژانس خەوەری "ئانادۆڵۆ"، زەویلەرزەگە لە دویری ٤.٧٣ کیلۆمەتر شارۆچکەی مودانیا سەر وە پاڕێزگای بورسا و لە قویڵایی ٨.٩٨ کیلۆمەتر ژیر زەوی رویدایە.
ئاشکەرایکرد، لەهەمان مەوقە زەویلەرزەیگ لە ساعەت ١٠:٤٥ خولەک وە تونی ٤.٥ پلە وەبان پەیمانەی ریختەر لەهەمان ناوچە رویدایە.
