ئەرا دویەم جارە.. دەرهاتن "سەنگەیل ورسگی" لە ئەوروپا

شەفەق نیوز/ راپۆرتەیلیگ لە دەرکەفتن ئەوەگ ناسریاگە وە "سەنگەیل ورسگی" بڵاو بوین، ک لەقەی ئەو سەنگەیلە، نەوەیل کۆنە، هوشداری لە کارەساتەیلیگ هاتگ جویر ورسگی کردن، ئەوەیش وەگەرد داوەزین ئاست چەمەیل لە ئەوروپا، باوجی کەمیگ نووڕستن هویرد،  راسیەگە ئاشکرا کەێد.

سایت (arstechnica) تایبەتە وە باوەتەیل زانستی و تەکنیکی وت: وەکارهاورەیل سۆشیال میدیا، تایبەت لە ئەڵمانیا وچیک، لەی رووژەیل دویاییە، باس "سەنگەیل ورسگی" بڵاو کردن، دیای هشکەوبوین چەن چەمیگ لە کشوەر ئەوروپا، لەوەر ئاڵشتبوین کەشوهەوا.

وتیش: باسەگە چوودەو ئەرا تویتیگ لە ١١ی ئاب نویسیاگە، باس نەقش یەکیگ لەو سەنگەیلە کەێد ک دویای داوەزین ئاست چەم ئیلبە لە چیک کەفتە دەیشت، و لەبانی نویسیاگە "ئەگەر چەود لەلیم کەفت.. بگیر" ولەبانیشی نویسیاگە ک یە لە ساڵ ١٦١٦ کڕی کریاگە.

باوجی لە راسیەگە، ئەوەگ لەی دویاییە بڵاو بوی، تەنیا دووارە بڵاوکردنە ئەرا ئەوەگ لە ساڵ ٢٠١٨ بڵاو کریاگە، هەنای ئەو مەوقە باس "سەنگ وەرسگی" لە ئەوروپا کریا، دویای ئەو هشکەساڵی سەختە ک لەو ساڵە رەسیە کشوەرە کەیوانووەگە.

وەهەر هاڵیگ، باس ئی سوگە تا رادەی گەورەیگ راسە، و میژوو دویژیگ لەو ئەوروپا دیرێد، باوجی باسکردنی وەبی باسکردن بندروس ومیژووی،  گوماکردن ناشرینیگە.

ئی سەنگە لەبانی ساڵەیل هشکەساڵی توومار کریەێد، هەنای سەنگەگە لە ژیر ئاو کەفێدە دەیشت.